स्पाइडरम्यान तपाई अगाडी जालो फ्याल्दै झुन्डिदै आयो भने के गर्नुहुन्छ ? हातले अगाडी बाटो बनाउँदै उड्दै गरेको सुपरम्यान साँच्चिकै देख्न पाइन्छ भन्ने कसैले अनुमान पनि गर्दो हो त ? यस्ता फिल्मी पात्रहरु धेरै नै छन् । केटाकेटी हुँदासम्म केहि हदसम्म यस्ता मानिसहरु हुन सक्ने अनुमान गर्दै तिनको नक्कल गर्नु सामान्य नै हो । त्यसो त, भारतमा शक्तिमानले बचाइहाल्छ नि भन्दै घरको छतबाट फाल हाल्ने पनि भएको थियो रे । सबैलाई थाहा छ, यस्ता फिल्मीपात्र वास्तविकताबाट कति टाढा छन् । तर कहिलेकाँही चै अचम्म लाग्दा मानिसहरुको जन्म पनि हुँदोरहेछ, प्रकृतिको लिला ।

आज साथीसँग युट्युबमा रमाइला भिडियोहरु खोज्दै हेर्दै गर्दा एउटा करेन्टम्यानको भिडियो हेरियो । गजब लाग्यो । करेन्टम्यान भन्दैमा शरिरबाट करेन्ट निकाल्ने हैन तर एउटा हातले बिजुलीको तार पक्डेर अर्को हातमा हिटर राखेर अमलेट चै बनाउँन सक्दा रहेछन् । मतलब घरको करेन्टसँग त बालै नहुने । मैले ब्लगमा भिडियो पनि राखेको छु, हेर्नुहोस् छक्क पर्नु हुनेछ
Continue reading >> यस्ता मान्छे पनि हुँदा रहेछन्, भिडियो हेर्नुस् न

दशैँ भन्ने बित्तिकै परिकार त त्यसै जोडिएर आउँछ । दशैँमा विभिन्न परिकारहरु खाँदै परिवार र आफन्तसँग रमाउँनु दशैँको बिशेषता नै हो । तर अहिलेको बजार हेर्दा हामीले सोचे जस्तो परिकारहरु पाउँन सजिलो देखिदैन । घरमा बनाएका परिकारहरुमा मिसाईने अवयवहरुमा विश्वास गर्न निकै पटक सोच्नु पर्ने भएको छ । यदि बिषाक्त र अशुद्ध परिकार बन्यो भने दशैँ दशा बन्न सक्छ । यसैले मिसावटमा खुब ध्यान दिनु पर्ने भएको छ । तर सबैभन्दा मुख्य कुरा तपाईको चेतना हो । थोरै मात्र ध्यान दिँदा मात्रै पनि धेरै वस्तुहरुमा मिसावट भए/नभएको थाहा हुन सक्छ । कस्ता खाद्यवस्तुमा के के मिसावट गरिएको हुन्छ ? र त्यस्तो मिसावट कसरी थाहा पाउँने? जानकारीका लागि पुरा ब्लग पढ्नुहोस् ।
Continue reading >> मिसावट भए/नभएको कसरी थाहा पाउँने ?

प्रतिलिपी अधिकारको कुरा गर्ने हो भने सामसुङ र एप्पलको नाम नबिर्सिए हुन्छ । एउटाले अर्कोको प्रतिलिपी निकाल्यो भनेर दुवै कम्पनीहरुको अर्को कम्पनीका विरुद्धमा अदालती कारबाहीमा छन् । कति देशमा सामसुङले एप्पललाई कुनै सफ्टवेयरमा चोरीको बात लगाएर मुद्धा हालेको छ भने कति देशमा एप्पलले सोही कारण भन्दै सामसुङका विरुद्धमा मुद्धा हालेको छ । तर भर्खरै एक अमेरिकी अदालतले एप्पलको प्रतिलिपि अधिकार हनन् गरेको भन्दै सामसुङ कम्पनीमाथि १ अर्ब डलर जरिवाना गर्ने फैसला सुनाएपछि भने दृष्यमा केही फरकपन देखिएको छ । तर अचम्मको दृष्य त तब देखियो, जब सामसुङले एप्पललाई १ अर्ब डलर जरिवाना तिरेको कुरा बाहिर आयो ।

समाचार भन्नु भन्दा पहिले, तपाई सोच्नुहोस् त, त्यत्रो धेरै रकम सामसुङले कसरी तिर्‍यो होला ? क्यास ? वा चेक दियो ? वा सुन वा हिरा दियो कि ? हैन, सामसुङले त ५ सेन्टका ३० ट्रक सिक्का पठाएर एप्पलको जरिवाना तिर्‍यो रे । राम ! राम ! त्यत्रो सिक्का अब एप्पलले कहिलेसम्म गनेर सक्ने होला । आज फेसबुक तथा इन्टरनेटका विभिन्न साइट तथा ब्लगहरुमा सम्प्रेषण भइरहेको समाचार हो यो । वास्तवमा, भएको चै के हो त ?
Continue reading >> ‘सामसुङले ५ सेन्टका ३० ट्रक सिक्का पठाएर एप्पलको जरिवाना तिर्‍यो रे’