सबैभन्दा धेरै समय कैद सजाय पाउँनेले कति बर्ष पायो होला ?

हिजो मात्रै नेपालमा चेलीबेटी बेच्नेलाई १७० बर्षको कैद सजाय सुनाइयो । नेपाली कानुन बमोजिम बढीमा सर्वस्वहरणसहित जन्मकैदमात्रै सजाय गर्न सकिने अवश्थामा एउटा अपराधीलाई औसत मानिसको आयुभन्दा बढी सजाय सुनाउँनु नेपालका लागि नौलो भयो । ‘राम ! राम ! यति लामो समय पनि सजाय हुन्छ ? बेकारको नाटक !’ टोलको चियापसलमा पसल्नी काकीको प्रतिक्रिया थियो ।

साँच्चै काकीले भने जस्तै नेपालमा दिएको यो सजाय नाटक कै लागि दिइएको हो त ? अरु देशमा लामो कैद सजाय गरेका कस्ता कस्ता उदाहरण होलान् ? एक पटक खोजी गरिहेरेँ । मैले नेपालमा दिएको भन्दा धेरै बर्ष थपका कैद सजायहरुको बारेमा थाहा पाएँ । ति अचम्म लाग्दा र निकै नै अनौठा छन् । यसैले यहाँ सेयर गर्दैछु । कृपया पुरा ब्लग पढ्नुभन्दा पहिले एक पटक अनुमान गर्नुहोस् । सबैभन्दा लामो समय कैद सजाय कति बर्षको दिइएको थियो ? अनुमान गरेपछि यस्को जानकारी हेर्नका लागि भित्र आउँनुहोस् ।

३ लाख ८४ हजार ९ सय १२ बर्षको जेल सजाय

सन् १९७२ मा स्पेनका एक हल्कारा(हुलाकी)लाई यति लामो समयको कैद सजाय सुनाइएको थियो । पाल्मा दे माल्लोर्का नामका २० बर्षिय हुलाकीले यो सजाय पाएका हुन् । उनले चार हजार चिठ्ठीहरु पुर्र्याउँनु पर्ने स्थानमा पुर्याएका थिएनन् । यसैले स्पेनी अदालतले उनलाई ३ लाख ८४ हजार ९ सय १२ बर्षको जेल सजाय सुनाइएको थियो ।

दशहजार बर्षको कैद

यो सजायको फैसला अमेरिकामा दिइएको हो । सन् १९८१ मा डुड्ले वायने किजेरलाई उसकी श्रीमती र अन्य दुइजनालाई अत्यन्त क्रुरतापुर्वक मारेको भन्दै १० हजार बर्ष कैद गर्ने सजाय सुनाइएको थियो । अमेरिकी इतिहासमा यो नै सबैभन्दा लामो समय कैद सजाय तोकिएको फैसला हो ।

एकैजनालाई २८ वटा जन्मकैद, ९९ बर्षको कैद र १ मृत्युदण्ड

बबी जोए लङ, फ्लोरिडाका सिरियल हत्यारा हुन् । उनले पक्राउ पर्नुभन्दा अगाडी ५० जनाभन्दा बढीलाई बलात्कार गरेका थिए भने २५ भन्दा बढीलाई बलात्कारपछी हत्या गरेका थिए । उनलाई उनको कर्तुतको फैसला गर्दै अदालतले उनलाई २८ जन्मकैद, ९९ बर्षको कैद र एक मृत्युदण्डको सजाय सुनाएको थियो । बबी जोए लङको जिनमा नै खराबी भएका कारण उनी यति बिघ्न क्रुर भएको मानिन्छ ।

एकैजनालाई २५ जन्मकैद

क्यालिफोर्नियाका एक कृषकले उनको खेतीपातीमा सहयोग गर्ने २५ कामदारलाई एकबर्ष भित्र हत्या गरेका थिए । उनको कर्तुतले मानव प्रवृतिमाथि नै प्रश्न उभ्याएको भन्दै अदालतले उनलाई २५ जन्मकैद सुनाएको थियो । उनको नाम जुआन कोरोना थियो ।

७ हजार १ सय ९ बर्षको कैद

सन् १९६९ सालमा दुई इरानीहरुलाई प्रत्येकले ७ हजार १ सय ९ बर्षको कैद सजाय सुनाइएको थियो ।
सन्दर्भ स्रोत : इन्टरनेट

3 comments to सबैभन्दा धेरै समय कैद सजाय पाउँनेले कति बर्ष पायो होला ?

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)

Online Users

10 Users Online