राजनीतिमा केटाकेटी !

आज माओवादीको जनप्रदर्शन हेर्न खुलामञ्च जाँदै थिए । मेरो अघी अघी यसो हेर्छु झन्डै भुई नछोडेको सानो फुच्चे (कार्यकर्ता) झन्डा बोकेर सडकपेटीमा एक्लै हिड्दै थिए । फोटो खिचेँ । दलहरुका राजनीतिक क्रियाकलाप केटाकेटीको प्रयोग देखिनु हाम्रो लागि सामान्य भइसक्यो । अझ बन्दमा त केटाकेटीलाई चरम प्रयोग गरिन्छ । यसरी साना मसिना फाइदाका लागि केटाकेटीलाई प्रयोग गर्नु कदापि राम्रो होइन । यस्तो देखिरहदा मनमा नराम्रो चस्का पस्छ । यसैले पहिले पहिले खिचेका केही तस्विरहरु पनि यो ब्लगमा राखेको छु । आशा छ, सानै भएपनि यस्ता कदमको बिरोधमा स्वर उठ्नेछ, कम्तिमा यही ब्लगमा भएपनि ।
हुन त यी पनि नागरिक हुन् । यीनीहरुको पनि अधिकारको रक्षा हुनुपर्छ, त्यसका लागि आवाज उठ्नु पर्छ । तर पनि कुनै पनि शर्तमा यीनीहरुलाई राजनीतिमा प्रयोग गरिनु हुदैन । झन्डा दिनु भन्दा झन्डा बनाउँने रकमले कलम कापी पो किनिदिने हो कि ।

यीनलाई जातीय अधिकार खोज्न हिडाउँनु भन्दा नाकको सिंगान पुछ्न सिकाए केही हुन्थ्यो कि ।

यो तस्विर नेपालडायरी डट वर्डप्रेस डट कमबाट साभार गरिएको हो ।

यो माथिको फोटो मैले केही समय अगाडी मधेसी मोर्चाले गरेको शक्तिप्रदर्शनको समयको हो । तर यो खुलामञ्च वा सभास्थलबाट लिएको हैन । यो फोटो शान्तिनगरको एउटा पेट्रोलपम्पमा लिएको हुँ । कार्यकर्तालाई पेट्रोल बाँडिरहेको पम्पमा आफैले झन्डावाल बाइक लिएर आएका थिए यी बालक । कति बर्षका भयौ भनेर मैले सोध्दा १६/१८ को भनि गफ दिए । सित्तैमा पाइने पेट्रोलको लाइनमा बसेका उनलाई आफैले लिएर हिडेको झन्डा कस्को हो भन्ने चै थाहा रहेनछ । झन्डा बोके जे गरे पनि हुने मनस्थितीमा हुर्कने यी केटाकेटी अलिक ठुला भएपछि के गर्लान् ।

उनलाई मैले अरु केही प्रश्नहरु गरेको थिएँ । भिडियोमा हेर्न तल क्लिक गर्नुहोस्

3 comments to राजनीतिमा केटाकेटी !

  • कर्म अधिकारी

    नैतिकता विहिन भएर राजनीतिक पार्टीहरु केटाकेटीहरुलाई यसरी प्रयोग गर्नु निन्दनिय छ । यसमा कम्यनिष्टहरु निकै अगाडी छन् । सबैभन्दा पहिलेको तस्विर हेरेरै थाहा हुन्छ नि ।

    कमेन्ट कस्तो लाग्यो ?: Thumb up 0 Thumb down 0

    • paniphoto

      माथिको पहिलो तस्विर हेरेको भरमा कम्युनिष्टहरुलाई आरोप लगाउँनु भएछ । कसलाई आरोप लगाउँने तपाईको कुरा भयो । तर मैले माथिको तस्विर कम्युनिष्टहरुलाई आरोप लगाउँनका लागि खिचेको भने हैन । आज सायद कांग्रेस वा अरु कसैको सभा भएको भए र ति बालकले त्यो झन्डा भेटेका भएपनि म फोटो खिच्ने थिएँ । र बिरोध गर्ने थिएँ ।

      कमेन्ट कस्तो लाग्यो ?: Thumb up 0 Thumb down 0

  • Rishi Pathak Gauriprem

    धन्यवाद गणेशजी खुसी लाग्छ तपाईको ब्लगबाट खबर भित्रको खबरहरु थाहा पाउँछु । धेरै राम्रो छ अनि आज भोली पहिलाको जस्तो कथाहरु प्रकाशित हुदैनन किन होला ?

    कमेन्ट कस्तो लाग्यो ?: Thumb up 0 Thumb down 0

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)

Online Users

12 Users Online