जोमसोममा अग्नी एयरको विमान दुर्घटना

Posted By -दिपध्वनी- on Monday May 14, 2012

पोखराबाट जोमसोमका लागि उडेको अग्नि एयरको १८ सिटे डोर्निएर विमान जोमसोम विमानस्थल नजिकैको डाँडामा ठोक्किएको छ । विमानमा ३ चालक सदस्य सहित १८ यात्री थिए । जसमा १३ जना भारतिय र बाँकी दुईजना अन्य देशका नागरिक थिए । क्याप्टेन प्रभुशरण पाठक, सहचालक एसडी महर्जन र १३ जना भारतीय नागरिक सहित १५ को मृत्यु भएको पुष्टि भइसकेको छ । बाँकी ६ जनालाई जिवितै उद्दार गरेर उपचारका लागि पोखरा ल्याइसकिएको छ ।

दुर्घटनास्थलमा स्थानिय र प्रहरीहरु

विमान दुर्घटनाको वास्तविक कारण थाहा हुन सकेको छैन । तर प्रारम्भिक रिपोर्ट अनुसार जोमसोम आउँदै गरेको विमानको इन्डिकेटर फेल भएपछि जोमसोममा अवतरण नगरि पुन: पोखरा नै फर्काउँदै गर्दा जोमसोमकै डाँडामा ठोक्कएर दुर्घटना भएको हो ।