हैन, जसले जे गरे पनि हुन्छ ? कुखुराको भाले मर्दा पनि दिनभर चक्काजाम !

पहिले चक्काजामको क्या चार्म थियो । दिनभर चक्काजाम गर्नेहरु निकै बलिया संगठन मानिन्थे । एकदिन मात्रै चक्काजाम गरे कत्रो दबाब दिएको मानिन्थ्यो । तर आजभोली ? आजभोली त जोसुकै ऐरेगैरेले पनि जेसुकै कुरामा चक्काजाम गरिदिने । चक्काजामले दुख दिने बाहेक आजभोली कुनै चमत्कार गर्न सक्दैन । त्यैपनि मुर्खहरु चक्काजाम गरिरहन्छन् । बहाना पनि कस्ता कस्ता हुन थालेका छन्, प्युठानमा भएको एउटा घटना सुन्नुस् न ।

सुन्दै पनि दिक्क लाग्ने । कुखुराको भाले मर्‍यो रे अनि दिनभर चक्काजाम । बहाना पनि कत्रो, आँगनको बाटोमा हिड्ने गाडीले गाउँको भाले मारेर भाग्यो भनेर चक्काजाम रे । दुईचार जना भेला भईगए । स्थानिय हुनुको तागत देखाउँन सारा यात्रुलाई दुख दिए ।

ल हेर्नुहोस् न तिनीहरुको बुद्धि । आईतबार दिउँसो रोल्पाको होलेरी हुँदै प्यूठानको स्वर्गद्वारी जाने एउटा जिपले प्युठानमै एउटा कुखुरा किचेर मारेर गएछ । साँझमा घर फर्किएकी कुखुराकी धनीले कुखुरा मरेका चाल पाईछिन् । अनि फर्केर आउँने यही बाटो त हो नि भनेर भोलीपल्ट बाटो नै जाम गरेर बसेछन् ।

कच्ची सडकमा उनीहरुले केही काठ दाउरा तेर्स्याए । अनि त्यसमाथि मरेको भाले राखे । त्यसमाथि एउटा ढुङ्गा राखे र त्यसमा लेखिएको थियो गाडी नम्बर अर्थात् ‘९९०३’ । आउनेजाने गाडी त्यहीं रोकिए । (स्रोत)

तस्विर साभार : नागरिकन्युज डट कम

गर्नेले त चक्काजाम गरिदियो, बस् भइगयो । तर कहाँका मान्छे बाटैमा कहाँ अड्किनु पर्दाको हालत के हुन्छ, यसको वास्ता कसलाई ? तिनीहरु त चक्काजाम नै गरियो भनेर ठुलै बहादुरी गरे जस्तो दंग परेका होलान् । तर, संसारले तिनलाई मुर्ख मानेर हाँसेको थाहा पाउँलान् कि नपाउँलान् ?

विस्तृत समाचार यहाँ पढ्नुहोस् 

6 comments to हैन, जसले जे गरे पनि हुन्छ ? कुखुराको भाले मर्दा पनि दिनभर चक्काजाम !

  • मनिषा फुजेल

    हेर्नुहोस् यसमा दुइृ कुरा छन् । एक त यो घोर कलियुग हो यहाँ यस्तै उट्फट्याङका कामहरुमात्र टिक्छन् । अर्को यो नेपाल हो । कानुन नै गतिलो छैन ।

    कमेन्ट कस्तो लाग्यो ?: Thumb up 0 Thumb down 0

  • Nirmal Baral

    हे राम देख्न बाँकी पनि अब केही भएन । लाज पचेका हरु ।

    कमेन्ट कस्तो लाग्यो ?: Thumb up 0 Thumb down 0

  • hema moktan

    तिनीहरु त चक्काजाम नै गरियो भनेर ठुलै बहादुरी गरे जस्तो दंग परेका होलान् । तर, संसारले तिनलाई मुर्ख मानेर हाँसेको थाहा पाउँलान् कि नपाउँलान् ?

    कमेन्ट कस्तो लाग्यो ?: Thumb up 0 Thumb down 0

  • अभिषेक

    कलियुग । घोर कलियुग ।

    कमेन्ट कस्तो लाग्यो ?: Thumb up 0 Thumb down 0

  • Anonymous

    Khurapati Thauma kanun bhayepani lagu hudaina yo ta sadharan bhaihaloni neta gatilo hunu paro ani kanun banaunu paro ani lagu hunu paro natra sadhai yasto bhairanchha.

    कमेन्ट कस्तो लाग्यो ?: Thumb up 0 Thumb down 0

  • Indradev Rai Lalitpur-14 Now Mozambique

    Tyasaile m bhan6u yo loktantra hoina 6adatantra ho.Yaha jasle j gare pani bhakai 6,karbahi garne kasle?Sabai bathai batha hunu ra kamjor kanunko parinam ho.

    कमेन्ट कस्तो लाग्यो ?: Thumb up 0 Thumb down 0

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)

Online Users

6 Users Online