शसस्त्रका डिआइजी जेठी पत्नीको हत्यामा पक्राउ

पुस २७ गतेदेखि शसस्त्र प्रहरी बलका डिआईजी रञ्जन कोइरालाकी जेठी पत्नी गीता ढकाल एकाएक गायब भईन् । अघिल्लो दिन पुस २६ गते डिआइजी कोइरालाले स्वयम्ले जवरजस्ती छोरा आफैसँग लगेका कारण तनाबमा कतै गएको हुन सक्ने अनुमान गरियो । तर कतै पत्ता नलागे पछि माइती पक्षले कोइरालाले नै गीतालाई गायब गराएको भन्दै प्रहरीमा उजुरी दिए । उजुरी परे लगत्तै प्रहरीले चपलीमा रहेको गीताको घर फोडेर हेरेको थियो । आत्महत्याको आशंकामा घर फोडेपनी केही फेला नपरेपछी प्रहरीले घटनालाई रहस्यमय भएको बताएको थियो ।

तर हिजो शनिबार मकवानपुरको पालुंगमा एउटा लाश भेटियो । लाश काटेर टुक्रा टुक्रा पारिएको थियो । एक पटक पुरिएको र फेरि झिकेर जलाइएको थियो । हो, त्यो विभत्स लाश उही डिआइजी कोइरालाकी पत्नी गीता ढकालको थियो । पत्नीको हत्या अभियोगमा कोइराला पक्राउ परिसकेका छन् । अहिलेसम्म प्राप्त विवरण पढ्न भित्र आउँनुहोस्

हिजो शनिबार मकवानपुरको पालुंगमा एक महिलाको शब फेला पर्‍यो । जलेर घटनास्थलमा फेला परेको लाश चिनिने अवस्थामा थिएन । तर त्यहाँ भेटिएको घडीलाई आफन्तले गीताको भएको पहिचान गरेका छन् ।

गीताको लाश पहिचान भए पछि आफ्नै श्रीमती गीता ढकालको हत्या शंकामा सशस्त्र प्रहरी बलका डिआइजी रञ्जन कोइरालालाई आजै पक्राउ गरिएको सकिएको छ । कोइरालालाइ काठमाडौँ फर्कँदै गर्दा आज बिहान नागढुङ्गाबाट पक्राउ गरिएको हो ।

मृतक पत्नीसँग अभियुक्त

पक्राउ पछि दिनभर भएको अनुसन्धान र कोइरालासँग भएको सोधपुछबाट प्रहरीले गीता ढकालको हत्या डिआइजी कोइरालाले नै गरेको दाबी गरेको छ । अनुसन्धान स्रोतले बताए अनुसार लाश फेला परेको स्थानमा भएको उनको उपस्थिती, घटनास्थलबाट बरामद प्रमाण र अभियुक्त कोइरालाको हाउभाउ लगायतका घटना प्रकृतिको आधारमा हत्यामा उनको हात रहेको निष्कर्ष निकालिएको हो । तर अहिलेसम्म अभियुक्त कोइरालाले घटनाका बारेमा केही बोलेका छ्रैनन् ।

अनुसन्धानमा संलग्न प्रहरी स्रोतका अनुसार डीआइजी कोइरालाले हिजो आफ्नो गाडीमा मकवानपुरको दामन जाने बाटोमा रहेको पालुङटारमा पत्नी गीताको लाश टुक्रा गरेर लगेका थिए । बाटो नजिकै खाल्डो खनेर उनले लाश पुरेर गए,’ स्रोत बताउँछ, तर टुक्रा पारेर खाल्डोमा गाडे पनि उनको मन शान्त भएन । उनले खाल्डोबाट पुन लाश बाहिर निकाले अनि लाशमा आगो सल्काईदिए । यसको केही समयपछि स्थानीय बासिन्दाले लाश देखेका थिए ।

कोइराला लाशलाई तह लगाएर काठमाडौँ फर्कँदै गर्दा आज बिहान नागढुङ्गामा पक्राउ परेका हुन् । थप अनुसन्धानका लागि प्रहरीले उनलाई आजै काठमाडौँ जिल्ला अदालत उपस्थित गराई थुनामा राख्न म्याद थप गरेको छ । नेपाल सरकारको तर्फबाट चीनमा एक बर्षे डिफेन्स कोर्स गरिरहेका डिआईजी कोइराला केही दिनअघिमात्र नेपाल आएका थिए । उनको गत आइतवार नै चीन फर्किने कार्यक्रम रहे पनि ससुराको जाहेरीपछि रद्द गरिएको थियो ।

10 comments to शसस्त्रका डिआइजी जेठी पत्नीको हत्यामा पक्राउ

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)

Online Users

3 Users Online