सापेक्षिक प्रेम

-शुभद्रा दहाल-

उ गरिब थियो । यसैले उ सबैको हेलाको पात्र थियो । क्याम्पसमा पनि उसका अति कम साथी थिए । उसँग न राम्रा लुगा नै थिए न त अरु कुनै आकर्षक विशेषता नै । उसँग थियो त केवल मिहिनेती पढाई । त्यसकै कारण उ छात्रवृतिमा पढ्दै थियो । उ परिश्रम गर्न कति पनि धक मान्दैन थियो । तर पनि उसले मनमा एउटी युवतीलाई सजाउँन थाल्छ । उसको पनि त मन नै हो आखिर । उसलाई पनि ति युवतीको सामिप्यता पाउँन मन लाग्छ । उसले आफ्नो भावी पत्नी तिनै युवतीमा देख्छ । कुनै मौका पारेर एक दिन उसले एउटा पत्र मार्फत आफ्नो मन खोलीदिन्छ, ति युवतीको सामुन्नेमा ।

तर उसको प्रेम प्रस्ताव स्विकार गर्ने साहस कुन युवतीमा होला र ? आधुनिक समाजमा प्रतिष्ठा पाउँने उसँग कुनै साधन थिएन । उसको प्रेमप्रस्ताव लत्तिनु थियो, लत्तियो । यस्तैमा परिक्षा सकिए पछि सबै आफ्नो आफ्नो बाटो लाग्छन् । उ पनि त्यस्तै कुनै लहरमा मिसिएर हराउँछ ।
केहि बर्ष पछि उ सोही ठाउँमा देखा पर्छ । तर उसको परिचय फेरिएर उ अरु नै केहि भइसकेको हुन्छ । उ रोगीको जीवनदाता डक्टर भएको हुन्छ । यस्तैमा एकदिन तिनै युवतीसँग भेट हुन्छ । त्यसपछि युवतीले अरु नियमित भेटहरुलाई अगाडी बढाउँछे । र, एकदिन प्रेमपत्र उसको हातमा थमाईदिन्छे ।
दिन बद्लिएको उसले महसुस गर्छ । उसको प्रेम अस्विकार भएको समयमा उ पुग्छ । आज उसैबाट प्रत्र प्राप्त हुँदा जितेको महसुस गर्छ । उ खुसी हुन्छ । आफ्नो पहिचान र व्याक्तित्वको कारण मात्र पत्र पाएको निष्कर्षमा पुग्न उसलाई बेर लाग्दैन । अनि आफ्नो फ्यालिएको पत्र सम्झिन्छ र, उसै गरेर हातको पत्र मिल्काउँछ । तिनै बिछोडिएका दुई प्रेमपत्रका लागि दुई थोपा आँशु खसाल्छ ।

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)

Online Users

11 Users Online